Bharat ki beti


Me us bharat ki beti hu jaha ladkiyo ko devi ke roop me puja jata hai, ladkiyo k samman me baadi baadi baate ki jati hai. Yaha tak ki ghar ki izzat bhi ladkiyo ko maana jata hai. Aaj ke samay me ladkiyo ko ladko ke barabar bhi mana ja raha hai or bolne k liye to ladko se jada bhi mana ja raha hai. Asa kuch mere desh ke neta aur dusre bade bade log bolte hai lekin shayad sirf dikhane ya bolne bhar ke bhar k liye hai.

Shuru se he sab kuch taklif ek ladki he uthati hai fir chahe wo sharirik roop se ho ya mansik roop se. Chalo mana sharirik roop ki taklif me koi kuch nahi kar sakta. Lekin mansik taklif ka kya? Kyu is desh ki ladkiyo ko hamesha ser jhuka hai or muh daba kar rehna padta hai? Sanskaar k naam par kyu sirf ladkiyo ki icha ka he galaa ghota jata hai?

Kher in baato ka to kabhi koi jawab milega nahi to ab aate hai main mudde par, bharat maa ki betiya kyu apne he desh me surakshit nahi hai? Asa kya gunah kiya hai is desh ki ladkiyo ne ki aaj wo itni dari hui h apne he logo se, ji bilkul apne he log apne he desh k log, ek asa desh jaha par sare dharam samaj ek sath prem or izzat se rehte hai, to fir ye kya hogaya is desh ko ki wo apni he betiyo ko pyar or izzat nahi de pa raha hai.

Is waqt sab he jante hoge ki kis wishay par likha gaya hai ye lekh, kya world ka 2nd populated desh mil k ye nahi soch sakta hai ki kese is desh ki betiyo ko bachana hai, chuk aakhir ho kaha rahi hai, kya ye sarkaro ko nahi dikh raha hai aur ha yaha koi ek sarkar ke baare me nahi baat ho rahi hai, normal logo ko sab dikh raha hai aur samjh bhi aaraha hai ki kaha chuk ho rahi h, sabse pehli baat to aaropiyo ko vip treatment mil rahi h rape karne k baad murder karne ke baad bhi badiya maje se jail me beth k roti kha rahe hai, ab to unko roti kamane k liye mehnat bhi nahi karne pad rhi h sarkari peso par ash kar rhe hai.

Main manti hu ki law bane hue hai sab chizo ko le kar lekin kya law sirf paper par note karne ke liye hai? Uska use kar k action kab liya jayega? Ab tak jitne bhi case hue sab me aaropi nashe me the to kya ham nashe ki chizo ko band nahi kar sakte? Me janti hu most of the amount sarkar ke pass liquor se he aata hai lekin kya desh ki betiyo ki jaan se jada important hai liquor ya nashili chizo se mila hua pesa?

Kyu Kuch action nahi le pa rahe hai ham un logo par jinka gunah sabit bhi ho chuka hai or unko saja bhi mil chuki hai to kyu unko fasi par nahi latkaya ja raha hai. Asa kesa insaaf hai yaar.

Ab to daar lagne laga hai is desh me rehne se bhi kyuki me ek ladki hu na kal kya ho jaye kuch bol nahi sakti.

Me kisi ko kuch sikha nahi sakti hu sirf apni baat bata sakti hu mujhe lagata hai juram or apradh ko bada raha hai is desh me. Ho sake to ek baar sochna jarur is baare me.

🇮🇳Jai Hind🇮🇳

One thought on “Bharat ki beti

  1. Nice post. We get agitated when some rape is reported and then go back to normal life and this cycle continued. Severe punishment is not the only detrimental action. There’s a need for a change in the mindset, the traditions of the society, education, upbringing. It must begin from each home.

    Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Create your website at WordPress.com
Get started
%d bloggers like this: